თანამედროვე და მშვიდი ადგილი
ჭიათურაში

სასტუმროს ნომრები

დააგემოვნეთ საუკეთესო დასავლეთის ღვინოები

მეღვინეობა “სოლომონე” 2018 წელს დაარსდა, მეგობრების - დავით ჩაჩანიძისა და ვახტანგ მასხარაშვილის მიერ. მეღვინეობა მდებარეობს ზემო იმერეთში, ქალაქ ჭიათურაში. კომპანიას, დიდი ბაბუის, სოლომონ ლეჟავას სახელი დავარქვით, რადგან მიწა, რომელზეც ღვინის წარმოება და ვენახია გაშენებული მას ეკუთვნოდა.   სოლომონის შთამომავალი - გულდა ჩაჩანიძე, პროფესიონალი მეღვინე იყო. ყველაფერი, რაც ღვინის შესახებ ვიცით, მან გვასწავლა. ადრეული ბავშვობიდან ვეხმარებოდით მას ღვინის წარმოების პროცესში. აღსანიშნავია, რომ ჩვენი სახლის სარეაბილიტაცუო სამუშაოების დროს, საძირკველში აღმოჩნდა ოთხი 1 200 ლიტრიანი ქვევრი. საბედნიეროდ, ერთის გადარჩენა შევძელით და კვლავ ვიყენებთ ღვინის დასავარგებლად. სოლომონეს ღვინის ეტიკეტებზე გამოსახულია ბრაელის შრიფტი, ბაბუას საპატივსაცემოდ. მიუხედავად იმისა, რომ მხედველობა ბოლოწლებში დაკარგა, მაინც შესანიშნავად შეეძლო ღვინის შეგრძნება. ხშირად აღნიშნავდა, "საკმარისი ვნახე ჩემს ცხოვრებაში, ახლა უბრალო  შეგრძნება ბევრად უკეთესია“.  ღვინის ქარხანა იტევს 35 000 ბოთლს. ვენახები კი მოიცავს 3 ჰექტარს, 8 დან 15 წლამდე ასაკის ვაზით, მაღალი ხარისხის ღვინის დასამზადებლად. ჩვენ ექსკლუზიურად ვმუშაობთ იმერული ვაზის ჯიშებთან - ციცქა, ცოლიკოური, კრახუნა, ძელშავი - რადგან, გვინდა დავამტკიცოთ რომ ჭიათურაში მანგანუმის წარმოების გარდა, ხარისხიანი ღვინის დამზადებაც შესაძლებელია.